SuperUT: Tur til Volahytta

Bli med på ein herleg seinsommartur til vidunderlege Volahytta. Me tek minibuss til Voladammen og går saman til hytta. Der ventar representantar frå hytta som tek alle godt imot og serverer grillmat og drikke. 

Om turen 
Me tek minibuss saman til Voladammen. Frå Voladammen går me i roleg tempo på ein T-merka sti. Turen går i ulendt terreng og er fire kilometer tur/retur. (To kilometer ein veg). I starten går turen over ei trygg og god bru og i vidare i flatt terreng. Så går me opp ein bratt bakke, om lag 100 høgdemeter. Her er det viktig at me tek oss god tid og hjelper kvarandre. På toppen av bakken blir terrenget lettare og ein får flott utsikt! Her tek me ein velfortent pause før turen går vidare i kupert terreng. På slutten går stien nedover - no kan me sjå hytta! Ved hytta blir det god grillmat, sosialt samvær, fisking og frileik. Me startar på returen om lag kl. 15.30. Då reknar me 1, 5 time tilbake til Voladammen, der bussen ventar på oss. 

Oppmøte
Holbergsplass kl. 10.00 
Attende på Holbergsplass om lag kl. 18.00

Følgjeperson
Det vil vera representantar frå SuperUT på arrangementet, men alle må ha med følgjeperson. 

Utstyr
Ta med:

• Gode terrengsko/fjellsko
• Varme og vindtette klede
• Badeklede og handklede om du vil bada!
• Me anbefalar stavar dersom ein slit med balansen. SuperUT har også to par stavar som me tek med. 
• Ullundertøy
• Litt mat og drikke

Påmelding
Arrrangementet er gratis. Merk at arrangementet berre vil bli gjennomført dersom vêrmeldinga er god. 

Påmelding til Frøydis Heradstveit innan 23. august.

Tlf: 465 44 399 

E-post: froydis@voss.frivilligsentral.no.

Me gler oss!