Sundagstur: Osafjellet

Bli på ein A til B tur i vakker høgfjellsnatur!

Gradering / vanskelegheitsgrad:   

Krevjande (raud): 15 kilometer, 938 høgdemeter og 7,5 timar (inkludert pausar). 

Turomtale: 

Me tek buss frå Holbergsplass kl. 08:00 til Vieremyr. Her går opp anleggsstien frå 1917 på delvis oppmurte trapper. Me kjem så opp på ein flate der anleggsbrakka frå 1917 står. Den tilhøyrar no Ulvik Grendalag. Her ser me og tydelege restar etter taubanen opp til Langvassnuten. 

Derette går me bort til Nedste Austdølavatnet og kryssar elva før me kjem opp til Svahnbu, ei fiskebrakke floge inn med helikopter på 70-talet. Videre fylgjer me stien opp på Krossfjellet. Herifrå ver det litt ned før me stig opp på Nipahøgda, naboen til Vassfjøra. Her har me storveges utsikt over fjorden og fjella rundt oss.

Vegen vidare går litt opp og ned før me kyssar Floskefonndalen, og går opp mot høgde 1287. Vegen vidare går ned Helvetesbrekka og over bruene til Stakraft, før me treffer bussen ved Rundavatnet.

Krav til deltakarar: 

Ein må vera i god fysisk form, og vera vant med lange bakkar utanfor sti.

Utstyr: 

Det vert ein lang dag, så ha med nok mat. Vatn finn me mange stader. 

Du må ha gode fjellsko.

Ha med klede for høgfjellet. Veret kan endra seg fort her.

Sekk med ekstra plass til fellesutstyr. 

Se DNTs pakkeliste for summarturar

Frammøte: 

Holdbergsplassen kl. 08:00 den 13 september 2026. 

Transport:  

Privat buss frå Holdbergsplassen til Vieremyr, med retur frå Rundavatnet til Holdbergsplassen. 

Turleiing: 

Turen blir leia av turleiarar. Turleiarane er ikkje profesjonelle, noko som betyr at turane vert gjennomført som frivillig dugnad og ikkje som kommersiell guiding. Turane vert gjennomført på grunnlag av gleda ved å ferdast i naturen, samt å ta med andre på gode opplevingar ute.   

Pris:  

Buss: Medlem 400 kr. inkluderer buss og administrasjonsavgift (75 kroner) 

Ikkje- medlem 600 kr. inkluderer buss og adminstrasjonsavgift (150 kr)  

Dyr: 

Når ein nyttar buss er hund ikkje lov grunna omsyn til allergi. 

Merknad:  

Laurdag 12 september er plan B hvis veret er dårleg sundag. 

Turleiarar:

Arne Røen, aneroenvoss@gmail.com, 47 41 76 40

Tryggve Soldal, trysol51@gmail.com, 48 27 88 27