DNT Unge Vaksne: Langtur til Grindaflethytta

Bli med på ein langtur i kremen av Vossafjella, med ei natt på Grindaflethytta. 

Gradering / vanskelegheitsgrad:    

Ekspert/ Ekstra krevjande (Svart) - Ingen maks høgde eller lengde - Erfarne fjellfolk

Dag 1: 21.1 km og 2000hm, opp til 12 timer. Dag 2: 16.6km og 262hm, ca 6 timer

Turomtale:  

Me legg opp til ein storslått tur frå Undredal opp til Syrdalsbreen og ned til Grindaflethytta. Der kvilar me og lagar ein god middag. Dagen etter går me ned gjennom den frodige Frondalen til Fronnes, der me vert henta med båt. Dette blir ein krevjande tur som sjeldan vert arrangert.

DAG 1:

Det vert ein tidleg start, då dette blir ein lang dag i fjellet. Me møtest ved Holbergplassen kl. 07.00 og fordeler oss i bilar før me køyrer samla til Undredal. Derifrå går turen oppover fjellsida mot Grånosi. Me følgjer ein liten sti til me kjem opp over tregrensa, og derifrå forlet me stien og navigerer oss oppover mot toppen av Grånosi. Herifrå får me vonleg nydeleg utsikt utover Aurlandsfjorden.

Utsikta vert med oss vidare når me går oppover ryggen mot turens høgaste punkt, Stiganosi (1761 moh.). Herifrå passerer me ovanfor Syrdalsbreen og held høgdeprofilen vidare fram til me nærmar oss Storebreen. Me koplar oss så på den merkte turstien att, før me følgjer han dei siste 500 høgdemetrane ned til Grindaflethytta.Vel framme innlosjerer me oss på hytta, lagar felles middag og tek ein velfortent kvil. Det er òg høve til bading for dei som vil våge seg uti. Informasjon om hytta:Om Grindaflethytta

DAG 2:

På dag to skal me finne vegen frå hytta og ned til Fronnes via Frondalen. Me startar med å følgje merkt sti dei første fem kilometrane, men tek etter kvart av på eit mindre tråkk. Denne stien leier oss ned gjennom den nydelege Frondalen, forbi mange små vatn, og vidare ned att til fjorden.

Her slappar me av og kanskje badar litt fram til me vert henta med båt rundt kl. 18.00. Båten tek oss tilbake til Undredal, og turen vert avslutta der. Me reknar med å vere tilbake på Voss rundt kl. 20.00.

Krav til deltakarar:  

Dette er ein lang (21 km) og krevjande tur (om lag 2000 høgdemeter) med sekk på ryggen. Store delar av turen går i terreng utanfor sti, og turen inneber fleire bratte stigningar. Det vert difor stilt krav om god fysisk form hjå deltakarane. Me reknar med å vere ute på tur i 10–12 timar den første dagen.

Deltakerantall:
10 totalt inkl 3 turledere. Det vil sei 7 plasser til deltakere.  

Utstyr:  

DNTs pakkeliste for sommer

Sekk med ekstra plass til fellesutstyr. 

Drikkeflaske e.l. til å kunne bære med seg 2L vann. 

Det blir arrangert felles middag når me kjem fram til hytta. Kvar deltager må sjølv ta med niste til to dagar, ein frokost, og ønsket snacks. 

Frammøte:  

Holdbergplassen, Vossevangen. Avreise frå Voss kl. 7:00.  

Transport:   

Samkjøyring. Betaling for samkøyring skal betalast på turdagen til sjåfør, 220 kr (dekker tur/retur Voss Undredal).  

Turleiing:  

Turen blir leia av turleiarar. Turleiarane er ikkje profesjonelle, noko som betyr at turane vert gjennomført som frivillig dugnad og ikkje som kommersiell guiding. Turane vert gjennomført på grunnlag av gleda ved å ferdast i naturen, samt å ta med andre på gode opplevingar ute.    

Pris:   

Medlem 475 inkluderer båt og administrasjonsavgift (75 kroner)  

Ikkje- medlem 550 inkluderer båt og adminstrasjonsavgift (150 kr)   

Betaling for samkøyring skal betalast på turdagen til sjåfør, 220 kr (dekker tur/retur Voss Undredal).  

Merknad:   

Denne turen går kun i ok/godt vêr. 

Turleiarar: 

Randi Vaage Nordihus, randinordihus@gmail.com, 47653680

Olav Bjelland Brekke,  olav.brekke96@gmail.com, 41396486

Magnus Rogstadkjernet, Magnus.rogstad@gmail.com, +47 45184660

Forsidebilete tatt av Sveinung Klyve