7-fjellsturen i Ørsta 9.august (NF26)

Bli med på ei fantastisk fjelloppleving i hjartet av Sunnmørsalpane! Du kan velje mellom tre ulike turar – 3-, 4- eller 7-fjellsturen – alt etter kor langt og krevjande du ønskjer å gå.

Alle turane har målgang ved Ørstahallen, der det ventar medalje til alle deltakarar.

Kva tur vil du gå?

7-fjellsturen – den store utfordringa

Rute: Rambjørhornet – Sandhornet – Grøthornet – Kråkenakken – Melshornet – Vardehornet – Niven

Lengde: 23,5 km
Gradering: Ekstra krevjande
Tidsbruk: 7–14 timar

Turen startar ved Mossætra og går over den spektakulære Mosegga før vidare ferd mot Melshornet, Vardehornet og Niven. Etter siste toppen går turen tilbake til Ørstahallen via Rystefeltet.

Vi tilrår at deltakarar på 7-fjellsturen har erfaring med lengre fjellturar.

Les heile turbeskrivinga på UT.no

Ønskjer du å springe turen på tid? Då anbefaler vi stiløping med felles start kl. 11.00!  Stiløping 7-fjellstur Ørsta.

4-fjellsturen

Rute: Rambjørhornet – Sandhornet – Grøthornet – Kråkenakken

Lengde: ca. 11 km
Høgdemeter: ca. 670
Gradering: Middels
Tidsbruk: 3–8 timar

Turen går over heile den kjende Mosegga med flott utsikt mot mellom anna Saudehornet, Kjerringa og Vassdalstinden. Sandhornet (909 moh.) er høgaste punkt på turen.

Les heile turbeskrivinga på UT.no

3-fjellsturen

Rute: Okla (Pølsa) – Melshornet – Vardehornet

Lengde: ca. 13 km
Høgdemeter: ca. 860
Gradering: Middels
Tidsbruk: 3–6 timar

Turen startar og endar i Ørsta sentrum og går via Gammelsætra til Okla, vidare til Melshornet og Vardehornet.

Les heile turbeskrivinga på UT.no

Påmelding

Det er same påmelding og pris for alle tre turane. Påmeldinga er bindande når du har fått stadfesting på e-post. Påmeldingsavgifta blir ikkje refundert, sjå punkt 2. i generelle vilkår for turen.

Ledsagar

Har du ledsagarbevis, kan ledsagar delta gratis. Ledsagar må også meldast på ved å velje kategorien «ledsagar».

Oppmøte og registrering

Oppmøte ved Ørstahallen mellom kl. 08.00 og 10.00.

Her blir du registrert og får klippekort. Det er mogleg å gå turen saman med turleiar frå DNT Sunnmøre. Oppmøte for fellestur er kl. 09.00 ved Ørstahallen.

Det vil vere løypemannskap på toppane, drikkestasjon ved hengebrua i Åmdalen. Røde Kors er til stades i løypa.

Transport og parkering

4-fjellsturen og 7-fjellsturen

Start er ved Mossætra. Arrangøren tilbyr transport frå Ørsta sentrum til ca. 1 km før Mossætra for opptil 100 personar.

Pris: 50 kr per person
Betaling: Vipps på minibussen

Det er ikkje tillate å parkere ved Mossætra.

Vi oppmodar flest mogleg til å samkøyre, gå eller bruke buss.

3-fjellsturen

Ingen transport nødvendig – start og mål er i sentrum.

Tryggleik og ansvar

Heile ruta blir merkt på arrangementsdagen.

Merk:

• Turane er ikkje merkte utanom arrangementet.
• Deltaking skjer på eige ansvar.
• Deltakarar må sjølve vurdere eigne føresetnader og fysisk form.

Røde Kors hjelpekorps er til stades fleire stader i løypa.

Dersom du må bryte turen:

• gjer det helst i område med folk og vegtilkomst
• kontakt frivillige dersom du treng hjelp
• ikkje forlat merkt løype dersom du ikkje er godt kjend

Viktig informasjon

Tidsgrense

Det blir frårådd å starte stigninga frå Mossætra etter kl. 15.00.

Baktroppen tek ned skilt og merking utover ettermiddagen.

Utstyr

Alle deltakarar må møte førebudde for fjelltur.

Vi anbefaler:

• vindtette og vasstette klede
• ekstra varme klede
• lue og vottar
• godt med mat og drikke
• inngåtte fjellsko
• enkelt førstehjelpsutstyr
• solvern ved fint vêr

Toalett

Det er toalett tilgjengeleg i Ørstahallen.

Premiar

Dette er ein tur for både mosjonistar og fjellentusiastar – bruk den tida du ønskjer.

Alle deltakarar får medalje ved målgang, og er med i trekkinga av flotte premiar frå DNT og samarbeidspartnarar.

Frivillige:

Har du lyst til å bidra under 7-fjellsturen?
Send mail til Merethe Qvenild Loe- qvenild@live.no.

Viktig før påmelding

 Les generelle vilkår som gjelder ved påmelding og deltakelse på  3-, 4-, 7-fjellsturen før påmelding.  Vilkår for deltakelse på turer og aktivitet i regi av DNT gjelder ikke ved påmelding og deltakelse på 3-, 4-, 7-fjellsturen i Ørsta.