Onsdagssnerten: Løkjishøvda i Volbu

Her får du tre ting på ein gong: spanande kulturhistorie, triveleg topptur - og fine utsyn mot bygder og fjell.

Turen over den skogkledde kollen (698 moh.) mellom Heggefjorden og Volbu byr på variert vandring, mest på sti, og med fine utsyn undervegs.

Turen startar med kort kulturvandring rundt Volbu kyrkje, med historiske tilbakeblikk. Deretter vandring gjennom Løken gard, med den spanande historia som høyrer til der. Vidare oppover mot husmannsplassen Tinden, med fint utsyn ut mot fjorden og bygda. No går vi på god sti gjennom området der stormen i november 2021 herja som verst. Vidare mot toppen og ned til gapahuken for ein liten rast. På tur ned att går vi innom utsikten, ein kort avstikkar med fin utsikt sørover. Så rundar vi ned att mot Løken og avsluttar turen ved kyrkja. Ca. 200 høgdemeter, joggesko går greitt.