Vårskitur til Gravdalstind - Fellestur med Sogndal Turlag og Luster Turlag

Luster Turlag og Sogndal Turlag arrangerar vårskitur til Gravdalstinden sundag den 10. mai.

Turskildring

Turen går stort sett i slakt terreng oppover mot Gravdalstind men har nokre få meir bratte parti for å kome opp på sjølve tinden. Vi kryssar Smørstadbreen som ikkje krev breutstyr på den ruta vi vel. Her får du flott utsyn over vestre del av Jotunheimen og Hurrungane mot vest og toppane rundt Smørstadbreen i øst. Ein flott vårskitur som krev godt vêr. 

Turinfo

• Turen er i underkant av 2 mil, tur-retur og litt under 900 meter stigning.
• Turen krev gode-middels skiferdigheiter.
• Turen vil ta mellom 7 til 9 timer

Utstyr

Tilrådde ski er fjellski eller lett randoneeutstyr. Ta med skredutstyr. 

Pakkeliste dagstur vinter - DNT

Oppmøte for felleskjøring

Sogndal frå Allmenningen (Lægreid hotell) kl. 08.00 

Gaupne (COOP parkering) 08.30 

eller oppmøte ved Krossbu kl. 09.45 

Turleiarar

Anne Rudsengen (Sogndal Turlag) og Ole-Hermann Meløy (Luster Turlag)

Påmelding

Krav om påmelding grunnet maksbegrensing på tal deltakarar

Turplanlegging     

Ettersom   turane er planlagde lang tid i førevegen, kan det verta endringar i programmet, m.a. avreisetidspunkt. Følg difor med på heimesida til Sogndal Turlag og på Facebook for oppdatert turprogram. 

Viss du er i tvil om kor lett eller tung turen er, eller kva utstyr du treng til turen, ta kontakt med turleiar eller ein i styret. Ver venleg å følgja oppmodinga for å gjera arbeidet lettare for turleiaren.

Betaling for turar med Sogndal Turlag

Alle turar med Sogndal Turlag er gratis for medlemmar, men der det blir sett opp buss eller båt så må ein betala. 

For ikkje-medlemmar som ønskjer å delta på turane kostar det 50 kr å vere med. 

Beløpet kan vipses til: 99206.