Go Norsk Friluftsliv to main content
07. juli 2027

Fottur Tansberg – Perstølshaugen. Onsdagssnert. Liaåsen i Øystre Slidre

Mer informasjon
Fottur Tansberg – Perstølshaugen. Onsdagssnert. Liaåsen i Øystre Slidre
IconSted
Øystre Slidre
Icon Tid
Kl. 16.30 - 20.30
Icon Arrangør
DNT Valdres
Icon Kontaktperson

 

Dette er ein ondagssnert og ein lett fottur. Difor startar vi så seint om dagen. Turen startar like vest for stølen Tansberg. Det er god parkering i utkanten  av vegen i ein sving i stølsvegen. Vi går på den gamle stølsvegen vestover mot stølsgrenda Lie. Vegen er lett å kjenna att og rimeleg tørr. Etter nokre hundre meter kjem vi til ein bekk som er lett å kryssa. Der er ingen andre utfordrande punkt på turen. Så går vegen i slak stigning før den tar av på ein mindre tydeleg sti fram mot varden på sjølve Perstølshaugen. Her tar vi ein god pause og nyter den fine utsikten ned mot Tansbergfjorden og åsane rundt og vestover mot m.a. Rundemellen. Vi går same vegen tilbake. Turen er ca. 6 km. tur /retur. Turen er lett å gå, men du må likevel vera i rimeleg god form.

Du går på eige ansvar, men vi turleiarar skal gjera turen så trygg og hyggeleg som mogeleg. Dette er ein fellestur med ein turleiar fremst og ein turleiar bakerst.

 Kle deg for ein ettermiddag i ope lende og ta med mat og varm drikke. Ta med sitjeunderlag.

Turen kan bli avlyst i tilfelle dårleg ver eller usikker vermelding.

Frammøte på bensinstasjonen St1 på Fagernes kl. 16.30. Der frå køyrer vi F 51 til Melbybråten og der frå opp til Ås og vidare innover stølsvegen mot Tansberg. Bomveg. Dersom du bur nord for Fagernes, kan møta på Melbybråten. Avtal dette med turleiar eller skriv det i kommentarfeltet i påmeldinga.

Påmelding seinast 06.07. kl. 18.00, helst digitalt, eller pr. sms til turleiar Bjørn Vegard Johnsen

på tlf. 48142002.

 Kart: Mesterkart    Øystre Slidre turkart  1:50 000   Turmålet står ikkje på kartet. Det gjer den gamle stølsvegen mot Lie. Stigen fram mot turmålet tar av der den gamle stølsvegen svingar tydeleg mot nord-vest.

Icon Oppmøtested