Barnas Turlag Luster  inviterer til en eventyrleg dag i Solvorn i samarbeid med Eventyr i Parken - Bli med på en framsyning du seint vil glemme.

DRAUG

Bli med inn i eit univers inspirert av nordiske sagn og folketru frå den norske kysten!

Havet har alltid gitt liv og forteljingar langs kysten vår. Men når grenser blir kryssa og åtvaringar ikkje blir høyrde, kan det få konsekvensar. Ein fiskar har forlist, og spørsmåla ligg i lufta: Tok ho meir enn ho trong? Var det Kraken ho fiska over? Og kan det verkeleg vere Draugen som kviskrar i bølgjene?

Møt dei to fiskesøstrene Olise og Sara og hør dei fortelle om sin siste fiskeferd!

Framsyningsinfo:

Oppmøte: Parkeringsplassen ved ferjekaia i Solvorn kl. 12 - derfra vil turledere frå Barnas Turlag vise deg veg til eventyret.

Lengde: ca. 50 minutt

Målgruppe: 6 år + 

Billetar: Framsyninga er gratis, men da det maks er plass til 50 stk, må du registrere deg og familien viss du ønskjer å vere med.

Praktisk info

Heile framsyninga foregår utandørs, så hugs å kle dykk etter véret.

Det kan vere lurt å ha med litt å drikke og ete på undervegs, om det vert behov for litt påfyll for dei minste. Vi kan også anbefale å ta med sitteunderlag. Løypa er ganske enkel, men det kan vera greitt med bæremeis for dei minste. 

Hundar må vera heime denne dagen.

Om Eventyr i Parken

Eventyr i Parken er eit Bergensbasert teaterkompani som sidan 2018 har jobba med å skape unike teateropplevingar for born og unge ute i naturen. I 2021 vart kompaniet nominert til “Bergens beste barneopplevelse” i BT, og i 2023 mottok kompaniet Bergen Teaterforenings pris "Rampeløkten" for sitt nyskapande arbeid.

Les meir: www.eventyriparken.no

Kunstnerisk lag

CO-produsent: Senja Barnefestival

Skapande skodespelarar: Stine Revheim Svellingen, Thomas B. Brandt & Ingeborg Meyer Lysne

Manus: Lina Taule Fjørtoft, Adele Lærum Duus

Regi: Adele Lærum Duus

Kostyme, scenografi, rekvisitt- og plakatdesign: Tora Troe

Kostymesyer, scenografi og rekvisittassistent: Signe Duus

Produsent: Lina Taule Fjørtoft

Produsentassistent: Bekka Vik Erlandsen

Manusbidrag: Katrine Lovise Øpstad Fredriksen

Turné 2026 er støtta av

Senja Barnefestival,  Kulturdirektoratet, Vestland Fylkeskommune, Bergen Teater og Dramatiske Selskab A/S, Sparebanken Norge, Oluf Bjørneseths fond, Bergen kommune, Proscen, NSF- fond for frilansere, Fana Sparebank.

Lokale samarbeidspartnarar

Luster Turlag og Luster Sparebank